ಕಿಲೋಗಟ್ಟಲೆ ಗಾಂಜಾ ಮಾರುತ್ತಿದ್ದ ಖದಿಮರನ್ನು ಹೇಡೆಮುರಿಕಟ್ಟಿದ ಕಾಕತಿ ಖಾಕಿ..!
ಬೆಳಗಾವಿ : ತಾಲೂಕಿನ ಸುಳಗಾ ಗ್ರಾಮದಲ್ಲಿ ಮನೆಯ ಹಿಂದೆ ಗಾಂಜಾ ಗಿಡಗಳನ್ನು ಬೆಳಸಿ ಮಾರುತ್ತಿದ್ದ ಇಬ್ಬರು ಖದಿಮರನ್ನು ಕಾಕತಿ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಗಾಂಜಾ ಮಾರುತ್ತಿದ್ದ ಸುಳಗಾದ 42 ವರ್ಷದ ಪರಶುರಾಮ ಭರಮಾ ನರೋಟಿ ಹಾಗೂ 29 ವರ್ಷದ ಪೀರಾಜಿ ವೈಜು ನರೋಟಿ ಬಂಧಿತ ಆರೋಪಿಗಳು. ಇವರಿಂದ 3 ಕೆಜಿ 158 ಗ್ರಾಂ ಹಸಿ ಗಂಜಾ ವಶಪಡಿಸಿಕೊಂಡಿದ್ದಾರೆ.
ನಗರ ಹಿರಿಯ ಪೊಲೀಸ್ ಅಧಿಕಾರಿಗಳಾದ ಡಿಸಿಪಿ ಪಿ ವಿ ಸ್ನೇಹಾ ಹಾಗೂ ಎಸಿಪಿ ಎಸ್ ವಿ ಗಿರೀಶ್ ಮಾರ್ಗದರ್ಶನದಲ್ಲಿ ಕಾಕತಿ ಪಿಐ ಐ ಎಸ್ ಗುರುನಾಥ ನೇತೃತ್ವದಲ್ಲಿ ಪಿಎಸ್ಐ ಮಂಜುನಾಥ ಹುಲಕುಂದ ಹಾಗೂ ಸಿಬ್ಬಂದಿ ಮಾನಗಾವಿ, ಪ್ರಕಾಶ ಬಲ್ಲಾಳ, ಚಿಗರಟ್ಟಿ ಸೇರಿದಂತೆ ಇತರರು ಈ ಗಾಂಜಾ ಖದಿಮರನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.
ಈ ಕುರಿತು ಕಾಕತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹೆಚ್ಚಿನ ತನಿಖೆ ಕೈಗೊಳ್ಳಲಾಗಿದೆ.
