1555 ರಲ್ಲಿ ಪ್ರಕಟವಾದ ಅವರ ಪುಸ್ತಕ, ಲೆಸ್ ಪ್ರೊಫೆಟೀಸ್, 942 ಕ್ರಿಪ್ಟಿಕ್ ಕ್ವಾಟ್ರೇನ್ಗಳನ್ನು ಒಳಗೊಂಡಿದೆ. 2025ರ ವರ್ಷದಲ್ಲಿ ಸಂಭವಿಸಬಹುದಾದ ವಿದ್ಯಮಾನಗಳ ಬಗ್ಗೆ ತಿಳಿಯಲು ನಾಸ್ಟ್ರಾಡಾಮಸ್ನ ನಿಗೂಢ ಪದ್ಯಗಳನ್ನು ವಿಶ್ಲೇಷಿಸುವ ಸಂಶೋಧಕರು ನೈಸರ್ಗಿಕ ವಿಪತ್ತುಗಳು, ಸಂಭವನೀಯ ಪ್ಲೇಗ್ ಮತ್ತು ಕ್ಷುದ್ರಗ್ರಹ ಬೆದರಿಕೆ ಇತ್ಯಾದಿ ಸಂಭಾವ್ಯ ಘಟನೆಗಳ ಬಗ್ಗೆ ಮುನ್ಸೂಚಿಸಿದ್ದಾರೆ.
ರಷ್ಯಾ-ಉಕ್ರೇನ್ ಯುದ್ಧದ ಅಂತ್ಯ
ನಾಸ್ಟ್ರಾಡಾಮಸ್ನ ಕ್ವಾಟ್ರೇನ್ಗಳಲ್ಲಿ ಒಂದು ದೊಡ್ಡ ಘರ್ಷಣೆಯ ಮುಕ್ತಾಯದ ಸುಳಿವು ನೀಡುತ್ತಿದೆ. ಇದು ರಷ್ಯಾ ಮತ್ತು ಉಕ್ರೇನ್ ನಡುವಿನ ನಡೆಯುತ್ತಿರುವ ಯುದ್ಧದ ಬಗ್ಗೆ ಉಲ್ಲೇಖಿಸುತ್ತದೆ ಎಂದು ಕೆಲವರು ನಂಬುತ್ತಾರೆ. ಅವರ ಬರಹಗಳು “ದಣಿದ ಸೈನ್ಯ” ಮತ್ತು ಕರೆನ್ಸಿಯ ಪರ್ಯಾಯ ರೂಪಗಳ ಬಳಕೆಯನ್ನು ಉಲ್ಲೇಖಿಸುತ್ತವೆ. ಹಾಗೂ ಯುದ್ಧವನ್ನು ಕೊನೆಗೊಳಿಸಲು ಸಂಭವನೀಯ ವೇಗವರ್ಧಕವಾಗಿ ಆರ್ಥಿಕ ಒತ್ತಡ ಕೆಲಸ ಮಾಡುತ್ತದೆ ಎಂಬುದನ್ನು ಸೂಚಿಸುತ್ತದೆ.
“ದೀರ್ಘ ಯುದ್ಧದ ಮೂಲಕ ಎಲ್ಲ ಸೈನ್ಯವು ದಣಿದಿದೆ, ಆದ್ದರಿಂದ ಅವರು ಚಿನ್ನ ಅಥವಾ ಬೆಳ್ಳಿಯ ಬದಲಿಗೆ, ಅವರು ಚರ್ಮ, ಗಾಲಿಕ್ ಹಿತ್ತಾಳೆ ಮತ್ತು ಚಂದ್ರನ ಅರ್ಧಚಂದ್ರಾಕೃತಿಯ ನಾಣ್ಯಕ್ಕೆ ಬರುತ್ತಾರೆ” ಎಂದು ನಾಸ್ಟ್ರಾಡಾಮಸ್ ಬರೆದಿದ್ದಾರೆ.
ಪ್ಲೇಗ್ ಕಾಟ
ಹೊಸ ವರ್ಷವು “ಕ್ರೂರ ಯುದ್ಧಗಳಿಂದ” ಸುತ್ತುವರೆದಿರುವ ಇಂಗ್ಲೆಂಡ್ಗೆ ಹೆಚ್ಚು ಭಾರವಾಗಿರುತ್ತದೆ ಮತ್ತು “ಶತ್ರುಗಳಿಗಿಂತ ಕೆಟ್ಟ”ದಾಗಿ ಕಾಡುವ “ಪ್ರಾಚೀನ ಪ್ಲೇಗ್” ಕಾಟ ಏಕಾಏಕಿ ಎದುರಾಗಲಿದೆ ಎಂದು ನಾಸ್ಟ್ರಾಡಾಮಸ್ ಭವಿಷ್ಯ ನುಡಿದಿದ್ದಾರೆ. ಅವರ ಕೋವಿಡ್-19 ಸಾಂಕ್ರಾಮಿಕ ಭವಿಷ್ಯವು ನಿಜವಾಗಿರುವುದರಿಂದ ಅವರ ಈ ಭವಿಷ್ಯವಾಣಿಯನ್ನು ಹಲವರು ನಂಬಿದ್ದಾರೆ.
ಭೂಮಿಗೆ ಕ್ಷುದ್ರಗ್ರಹ ಡಿಕ್ಕಿ?
ನಾಸ್ಟ್ರಾಡಾಮಸ್ 2025ರಲ್ಲಿ ಭೂಮಿಯೊಂದಿಗೆ ದೈತ್ಯ ಕ್ಷುದ್ರಗ್ರಹ ಡಿಕ್ಕಿ ಹೊಡೆಯಬಹುದು ಅಥವಾ ಭೂಮಿಗೆ ಅಪಾಯ ತರಬಹುದಾದಷ್ಟು ಸಾಮೀಪ್ಯದಲ್ಲಿ ಕ್ಷುದ್ರಗ್ರಹ ಬರಬಹುದು ಎಂದು ಭವಿಷ್ಯ ನುಡಿದಿದ್ದಾರೆ. ಭವಿಷ್ಯವು ಜೀವಿಗಳ ನಾಶದ ಬಗ್ಗೆ ಸೂಚಿಸುತ್ತದೆಯಾದರೂ, ಕ್ಷುದ್ರಗ್ರಹಗಳು ಗ್ರಹದ ಹತ್ತಿರ ಬರುವುದು ಹೊಸ ವಿದ್ಯಮಾನವಲ್ಲ. ಪ್ರತಿ ವರ್ಷ ನೂರಾರು ಕ್ಷುದ್ರಗ್ರಹಗಳು ಭೂಮಿಯನ್ನು ದಾಟುತ್ತವೆ ಮತ್ತು ಅವುಗಳಲ್ಲಿ ಹೆಚ್ಚಿನವು ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳುತ್ತವೆ.
ಬ್ರೆಜಿಲ್ನಲ್ಲಿ ನೈಸರ್ಗಿಕ ವಿಪತ್ತುಗಳು
ನಾಸ್ಟ್ರಾಡಾಮಸ್ “ಗಾರ್ಡನ್ ಆಫ್ ದಿ ವರ್ಲ್ಡ್” ಎಂದು ಉಲ್ಲೇಖಿಸುವ ದಕ್ಷಿಣ ಅಮೆರಿಕಾದ ಬ್ರೆಜಿಲ್ ದೇಶವು ಹವಾಮಾನ ಬದಲಾವಣೆಗೆ ಸಂಬಂಧಿಸಿದ ಪ್ರವಾಹ ಮತ್ತು ಸಂಭಾವ್ಯ ಜ್ವಾಲಾಮುಖಿ ಸ್ಫೋಟದ ಸಮಸ್ಯೆ ಎದುರಿಸಬಹುದು ಎಂದು ಆತನ ಭವಿಷ್ಯವಾಣಿಯು ಹೇಳಿದೆ.
