ಇಡೀ ರಾಷ್ಟ್ರದ ಗಮನ ಸೆಳೆದಿರುವ ಈ ಕಾರ್ಯಕ್ರಮಕ್ಕೆ ಡಿ.26ರಂದು ದಿಲ್ಲಿಯಿಂದ ಎರಡು ವಿಶೇಷ ವಿಮಾನಗಳಲ್ಲಿಗಣ್ಯರ ಆಗಮನವಾಗಲಿದೆ.ಗಾಂಧೀಜಿಯವರ ಅಧ್ಯಕ್ಷತೆ ಹಾಗೂ ಪಂಡಿತ್ ಜವಾಹರ ಲಾಲ್ ನೆಹರು ಮತ್ತು ರಾಜ್ಯದವರೇ ಆದ ಗಂಗಾಧರರಾವ್ ದೇಶಪಾಂಡೆ ಅವರು ಪ್ರಧಾನ ಕಾರ್ಯದರ್ಶಿಗಳಾಗಿದ್ದ ಕಾಂಗ್ರೆಸ್ ಅಧಿವೇಶನ ನಡೆದು 100 ವರ್ಷ ತುಂಬಿದೆ. ರಾಜ್ಯದಲ್ಲಿ ಆಡಳಿತ ಪಕ್ಷವಾಗಿ ಕಾಂಗ್ರೆಸ್ ಈ ಶತಮಾನೋತ್ಸವದ ಐತಿಹಾಸಿಕ ಸಂದರ್ಭವನ್ನು ಅದ್ಧೂರಿ ಹಾಗೂ ಅಭೂತಪೂರ್ವವಾಗಿ ಆಚರಿಸಲು ಸಿದ್ಧತೆ ಮಾಡಿಕೊಂಡಿದೆ. ಪಕ್ಷ ಸಂಕಷ್ಟದ ಸ್ಥಿತಿಯಲ್ಲಿದ್ಧಾಗಲೆಲ್ಲಾ ಶಕ್ತಿ ತುಂಬುವ ಕರ್ನಾಟಕದಲ್ಲಿ ಕಾಂಗ್ರೆಸ್ ಮಹಾಧಿವೇಶನದ ಶತಮಾನೋತ್ಸವದ ಮೂಲಕ ಈಗಲೂ ಮತ್ತೊಂದು ಸಂದೇಶ ನೀಡುವ ಆಶಯದೊಂದಿಗೆ ತಯಾರಿ ನಡೆದಿದೆ.ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ರಾಜ್ಯಸಭೆ ಸದಸ್ಯೆ ಸೋನಿಯಾ ಗಾಂಧಿ, ಲೋಕಸಭೆ ಪ್ರತಿಪಕ್ಷ ನಾಯಕ ರಾಹುಲ್ ಗಾಂಧಿ, ಸಂಸದೆ ಪ್ರಿಯಾಂಕಾ ಗಾಂಧಿ ಜತೆಗೆ, ಎಲ್ಲಎಐಸಿಸಿ ಮುಂಚೂಣಿ ನಾಯಕರು, ಕಾಂಗ್ರೆಸ್ ಅಧಿಕಾರದಲ್ಲಿರುವ ರಾಜ್ಯಗಳ ಸಿಎಂಗಳು, ಸಿಎಲ್ಪಿ ನಾಯಕರು, ಎಲ್ಲರಾಜ್ಯಗಳ (ಪಿಸಿಸಿ) ಅಧ್ಯಕ್ಷರು ಪಾಲ್ಗೊಳ್ಳುತ್ತಿದ್ದಾರೆ.
ಭರ್ಜರಿ ತಯಾರಿ: ಕಳೆದ ವಾರವಷ್ಟೇ ಮುಗಿದ ವಿಧಾನಮಂಡಲ ಅಧಿವೇಶನದ ಜತೆಜತೆಗೇ ಬೆಳಗಾವಿಯಲ್ಲಿಎರಡು ದಿನಗಳ ಪಕ್ಷದ ಕಾರ್ಯಕ್ರಮಕ್ಕೂ ಭರ್ಜರಿ ಸಿದ್ಧತೆಗಳು ನಡೆದಿದ್ದು, ತಯಾರಿ ಬಹುತೇಕ ಅಂತಿಮ ಹಂತ ತಲುಪಿದೆ.ಡಿ.27ರಂದು ಬೃಹತ್ ಬಹಿರಂಗ ಸಭೆಗೆ ಸಿದ್ಧತೆಯಾಗಿದೆ. ಗಂಗಾಧರರಾವ್ ದೇಶಪಾಂಡೆ ಸ್ಮಾರಕ ಭವನ ಉದ್ಘಾಟನೆ ಒಳಗೊಂಡು ಇನ್ನೂ ಹಲವು ಕಾರ್ಯಕ್ರಮಗಳು ಇದರ ಭಾಗವಾಗಿದ್ದು, ಎಐಸಿಸಿ ಮಂಗಳವಾರ ಕಾರ್ಯಕ್ರಮಗಳ ಪಟ್ಟಿಯನ್ನು ಅಂತಿಮಗೊಳಿಸುವ ನಿರೀಕ್ಷೆಯಿದೆ. ಮಹತ್ವದ ನಿರ್ಣಯಎಐಸಿಸಿ ಅಧಿವೇಶನದಲ್ಲಿಮಹತ್ವದ ಸಂದೇಶ ನೀಡುವ ನಿರ್ಣಯಗಳಿಗೂ ತಯಾರಿಯಾಗಿದೆ.
ಎಐಸಿಸಿ ವರಿಷ್ಠ ನಾಯಕರೊಂದಿಗೆ ಸಮನ್ವಯದಿಂದ ಸಿಡಬ್ಲ್ಯೂಸಿ ಸಭೆಯಲ್ಲಿನಿರ್ಣಯಗಳ ಕರಡು ಅಂತಿಮಗೊಳಿಧಿಸುವ ಹೊಣೆಯನ್ನು ಕಾನೂನು ಸಚಿವ ಎಚ್.ಕೆ.ಪಾಟೀಲ್, ಶತಮಾನೋತ್ಸವ ಸಮಿತಿಯ ಅಧ್ಯಕ್ಷ ಎಂ.ವೀರಪ್ಪ ಮೊಯಿಲಿ ಸೇರಿ ರಾಜ್ಯ ಕಾಂಗ್ರೆಸ್ನ 12 ಪ್ರಮುಖರಿಗೆ ನೀಡಲಾಗಿದೆ.
