ತಿರುಪತಿ ಆನ್ ಲೈನ್ ಟಿಕೆಟ್

ತಿರುಪತಿ: 2025 ಜನವರಿ ತಿಂಗಳ ದರ್ಶನ ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಬಿಡುಗಡೆ ಮಾಡುವ ದಿನಾಂಕವನ್ನು ತಿರುಪತಿ ದೇವಸ್ಥಾನ ಘೋಷಿಸಿದೆ.

ಅಕ್ಟೋಬರ್ 19 ರಿಂದ 21 ರವರೆಗೆ ಸುಪ್ರಭಾತಂ, ಅರ್ಚನೆ, ತೋಮಾಲ ಸೇವೆಗಳ ಟಿಕೆಟ್‌ಗಳಿಗೆ ಲಾಟರಿ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಆಯ್ಕೆಯಾದವರು ಅಕ್ಟೋಬರ್ 21 ರಿಂದ 23ರವರೆಗೆ ಹಣ ಕಟ್ಟಿ ಟಿಕೆಟ್ ಪಡೆಯಬಹುದು.

ಅಕ್ಟೋಬರ್ 22 ರಂದು ಕಲ್ಯಾಣೋತ್ಸವ, ಊಂಜಲ್ ಸೇವೆ, ಆರ್ಜಿತ ಬ್ರಹ್ಮೋತ್ಸವ, ಸಹಸ್ರ ದೀಪ ಅಲಂಕಾರ ಸೇವೆಗಳ ಟಿಕೆಟ್‌ಗಳು ಬಿಡುಗಡೆಯಾಗುತ್ತವೆ. ನೇರವಾಗಿ ಭಾಗವಹಿಸದೆ ದರ್ಶನ ಮಾತ್ರ ಮಾಡುವವರಿಗೆ ಅಕ್ಟೋಬರ್ 22 ರಂದು ಮಧ್ಯಾಹ್ನ 3 ಗಂಟೆಗೆ ಟಿಕೆಟ್ ಬುಕಿಂಗ್ ಶುರುವಾಗಲಿದೆ.

ಅಕ್ಟೋಬರ್ 23 ರಂದು ಅಂಗಪ್ರದಕ್ಷಿಣೆ ಫ್ರೀ ಟೋಕನ್‌ಗಳು ಆನ್‌ಲೈನ್‌ನಲ್ಲಿ ಸಿಗುತ್ತವೆ. ಶ್ರೀವಾಣಿ ಟ್ರಸ್ಟ್‌ನವರಿಗೆ ವಿಐಪಿ ದರ್ಶನ ಮತ್ತು ರೂಮ್ ಬುಕಿಂಗ್ ಅಕ್ಟೋಬರ್ 23 ರಂದು ಬೆಳಗ್ಗೆ 11 ಗಂಟೆಗೆ ಶುರು ಮಾಡಲಾಗುತ್ತದೆ.

ವಯಸ್ಸಾದವರು ಮತ್ತು ವಿಶಿಷ್ಟಚೇತನರಿಗೆ ಅಕ್ಟೋಬರ್ 23 ರಂದು ಮಧ್ಯಾಹ್ನ 3 ಗಂಟೆಗೆ ಆನ್‌ಲೈನ್‌ನಲ್ಲಿ ಟಿಕೆಟ್‌ ಸಿಗುತ್ತದೆ.

ಜನವರಿ ತಿಂಗಳ 300 ರೂಪಾಯಿ ಸ್ಪೆಷಲ್ ಎಂಟ್ರಿ ದರ್ಶನ ಟಿಕೆಟ್‌ಗಳು ಅಕ್ಟೋಬರ್ 24 ರಂದು ಬೆಳಗ್ಗೆ 10 ಗಂಟೆಗೆ ಬಿಡುಗಡೆಯಾಗುತ್ತವೆ.

ತಿರುಮಲ ಮತ್ತು ತಿರುಪತಿಯಲ್ಲಿ ರೂಮ್ ಬುಕಿಂಗ್ ಅಕ್ಟೋಬರ್ 24 ರಂದು ಮಧ್ಯಾಹ್ನ 3 ಗಂಟೆಗೆ ಶುರುವಾಗುತ್ತದೆ. ದೇವಸ್ಥಾನದ ಅಧಿಕೃತ ವೆಬ್‌ಸೈಟ್‌ https://ttdevasthanams.ap.gov.in , ಮತ್ತು ರೂಮ್ ಬುಕ್ ಮಾಡಬೇಕು ಎಂದು ದೇವಸ್ಥಾನದ ಪ್ರಕಟಣೆ ತಿಳಿಸಿದೆ.