ಬೆಳಗಾವಿ : ಸಮಾಜ ಸೇವೆಯಲ್ಲಿ ಗುರುತಿಸಿಕೊಂಡಿರುವ ಬೆಳಗಾವಿಯ ಹನಿಫ್ ಶಿದ್ಧಿಕಿ ಅವರ ನೇತೃತ್ವದಲ್ಲಿ ನಡೆಯುತ್ತಿರುವ ರಹೆಮಾನ ಫೌಂಡೇಶನ್ ಸಂಸ್ಥೆಯವರು ಎಸ್ ಎಸ್ ಎಲ್ ಸಿ ಮಕ್ಕಳಿಗಾಗಿ ತೃತೀಯ ಭಾಷೆ ಹಿಂದಿ ವಿಷಯದ ಎನ್ ಎಫ್ ಕಿತ್ತೂರ್ ಶಿಕ್ಷಕರು ಬರೆದಿರುವ ಪರೀಕ್ಷಾ ತೊಶಾ ಎಂಬ (ಕೋಶನ್ ಬ್ಯಾಂಕ್) ಅದ್ಭುತ ಗ್ರಂಥವನ್ನು ಸರ್ಕಾರಿ ಸರ್ದಾರ್ ಪ್ರೌಢಶಾಲೆಯ ಎಸ್ ಎಸ್ ಎಲ್ ಸಿ ಮಕ್ಕಳಿಗೆ ಈ ಗ್ರಂಥವನ್ನು ಕಾಣಿಕೆ ರೂಪದಲ್ಲಿ ಹಂಚಿದರು. ಅದೇ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಶಿವಶಂಕರ್ ಹಾದಿಮನಿ ಅವರು ಮತ್ತು ಶಾಲೆಯ ಶಿಕ್ಷಕಿ ಎಸ್ ಎ ಕಲಕೇರಿ ಅವರು ಮತ್ತು ಕರ್ನಾಟಕ ಪಬ್ಲಿಕ್ ಶಾಲೆಯ ಕನ್ನಡ ಶಿಕ್ಷಕರಾದ ಬಿ ಎಸ್ ಮಿಲ್ಲಾನಟ್ಟಿ ಶಿಕ್ಷಕರು ಅತಿಥಿಯಾಗಿ ಆಗಮಿಸಿದ್ದರು. ಪ್ರೌಢಶಾಲೆಯ ರವಿ ಹಲಕರ್ಣಿ ಶಿಕ್ಷಕರು ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು. ಕಾರ್ಯಕ್ರಮದಲ್ಲಿ ಆಜಮ್ ನಗರದ ರೆಹಮಾನ್ ಫೌಂಡೇಷನ್ ದ ಮೊಹಮ್ಮದ್ ಆರೀಫ್ ಕೆ ಮುಲ್ಲಾ, ಮೊಹಮ್ಮದ್ ಸಾದ್ ಮುಗುಟ, ಮಹಮದ್ ಮುಸ್ತಫಾ ಕದಲಗಿ ಉಪಸ್ಥಿತರಿದ್ದರು ಮದರಸಾ ಅರೇಬಿಯಾ ನೋಮಾನಿಯಾ ಶಿಕ್ಷಕ ಬಶೀರ್ ಸನದಿ ಅವರು ರೆಹಮಾನ್ ಪೌಂಡೇಶನ್ ಬಗೆಗೆ ಸವಿಸ್ತಾರವಾಗಿ ವಿವರಿಸಿದರು. ಕಾರ್ಯಕ್ರಮದಲ್ಲಿ ಕಾಣಿಕೆಯಾಗಿ ಪಡೆದಿರುವ ಪರೀಕ್ಷಾ ತೋಶಾ ಎಂಬ ಗ್ರಂಥವನ್ನು ಮಕ್ಕಳು ಆನಂದದಿಂದ ಸ್ವೀಕರಿಸಿದರು.
