ಮದುವೆಯಾಗದಿದ್ದಕ್ಕೆ ಮದ್ಯ ವ್ಯಸನಿಯಾಗಿ ಪ್ರಾಣಬಿಟ್ಟನಾ ಯುವಕ..?
ಬೆಳಗಾವಿ : ತಾಲೂಕಿನ ಗುಗ್ರೇನಟ್ಟಿ ಗ್ರಾಮದ ಸುಮಾರು 35 ವರ್ಷದ ಆಸುಪಾಸಿನ ಯುವಕ ಜೀವನದಲ್ಲಿ ಜಿಗುಪ್ಸೆ ಹೆಚ್ಚಾಗಿ ಮರಕ್ಕೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಇಂದು ಬೆಳಗಿನ ಜಾವ ನಡೆದಿದೆ.
ಗುಗ್ರೇನಟ್ಟಿ ಗ್ರಾಮದ 31 ವರ್ಷದ ರಾಜು ಮಾಳಿ ಎಂಬಾತ ದೇವಗಿರಿಯ ಜಮೀನಿನಲ್ಲಿ ಬಂದು ಆತ್ಮಹತ್ಯೆ ಮಾಡಿಕೊಂಡ ಯುವಕ.
ಈ ಯುವಕನಿಗೆ 30 ದಾಟಿದರೂ ಮದುವೆಯಾಗದೆ ಹಾಗೂ ವ್ಯಸನಿಯಾಗಿ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ತಿಳಿದು ಬಂದಿದೆ.
ಘಟನಾ ಸ್ಥಳ ಕಾಕತಿ ಪಿಐ ಸುರೇಶ್ ಶಿಂಗಿ ಭೇಟಿ ನೀಡಿ ಪರಿಶೀಲನೆ ನಡೆಸುವಾಗ ಕೇಳಗೆ ಬಿದ್ದಿದ್ದ ಮೊಬೈಲ್ ಮೂಲಕ ದೇವಗಿರಿ ಗ್ರಾಮದಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಯವಕ ಅಸಲಿಗೆ ಗುಗ್ರೇನಟ್ಟಿ ಗ್ರಾಮದವನು ಎಂದು ಗೊತ್ತಾಗಿದೆ. ನಂತರ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಕೊಂಡಿದ್ದಾರೆ.
ಹೆತ್ತವರಿಗೆ ಇಬ್ಬರು ಗಂಡು ಮಕ್ಕಳಿದ್ದು. ತಂದೆ ಕೇಲ ವರ್ಷಗಳ ಹಿಂದೆ ಸಾವನ್ನಪ್ಪಿದ್ದು, ಹಿರಿಯ ಪುತ್ರನ ಮದುವೆಯಾಗಿದ್ದರೂ ಸಂಸಾರ ಸರಿಯಾಗಿ ನಡೆಯುತ್ತಿಲ್ಲ. ಇದರ ಮಧ್ಯೆ ಕಿರಿಯ ಮಗ ಮದುವೆಯಿಲ್ಲದೆ ಮದ್ಯ ವ್ಯಸನಿಯಾಗಿ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಕ್ಕೆ ತಾಯಿ ಮಮ್ಮಲ ಮರಗುತಿದೆ.
